தற்கொலை

நித்தம் வருகிறது தற்கொலை

காரணங்களை கக்கத்தில் இடுக்கியபடி

சிலவேளைகளில்

சிபாரிசு கடிதங்களுடன்

தரித்திரத்தின் கடைசி கர்ஜனையுடன்

விலங்குகளின் வால் குழைவை

கைகளில் ஏந்தியபடி

தவறவிட்ட பரிசுபொருட்களுடன்

அசட்டு சிரிப்பை காண்பிக்கிறது

குருத்தோலை பவனியின்

கடைசி வரிசையில் கையாட்டியபடி

இரவு விருந்தின் பரிசாரகனைபோல்

முன் நிற்கிறது

மதகுருவின் அங்கியிலிருந்து

எட்டிபார்க்கிறது

முகமூடிகளுடன் வந்து

கும்மாளமடிக்கிறது

துணைக்கு வரும் ஸ்நேகிதனுடன்

கைகோர்த்து கொள்கிறது

பரிந்துரைக்கப்பட்ட உபகரணங்களின்

செய்முறை புத்தகத்துடன் இளிக்கிறது

இரவு முழுவதும்

அகலகண்களால் பார்த்தபடி இருக்கிறது

சந்தர்ப்பவசத்தால் துருத்திகொண்டிருக்கும் பயத்தை

அதன் நடுக்கத்தை மறைத்தபடி விரட்டுகிறது

பரிவுடன் தலைகோதி

சரியான காரணத்தை முன்வைக்கிறது

உதாரணபுருஷர்களின் கதைகளை

விவரிக்கிறது

நட்பின் சகலபரிமாணங்களையும்

கச்சிதமாக கையாள்கிறது

தூரத்து நாய்குலைப்புடன்

தெருவில் நுழையும்போதே

வரவேற்பதற்கான ஆயத்தங்களை துவக்குகிறது

கல்லறை வாசகத்தில்

திருத்தங்கள் தருகிறது

கடைசி கணத்தின் மனமாற்றத்தை

தந்திரங்களுடன் கையாள்கிறது

நித்தம் எழுதும் கடைசி கடிதத்தின்

முகவரியை   

நீ அணியதரும் அங்கியின்

கடைசி தையலில் கண்டுபிடிக்கிறது

அன்னியனுக்கான தோற்றத்திலிருந்து

நண்பனுக்கான தோரணையை

தோள்களில் படரவிடுகிறது

ரகசிய குழைவுடன் ஊட்டும் நம்பிக்கையை

உறக்கத்தின் துவக்க கணத்தில்

கைநழுவவிடுவதை கண்டிக்கிறது

நேற்றைபோலவே இன்றும்

கதவை தட்டபோகும் அதன் வருகையை