தீவிர இதழ் நடத்துவது சுலபமான காரியமென பலர் நினைக்கிறார்கள். கூடங்குளத்தை சுற்றி ஏக்கர் கணக்கிலே இடம் வாங்கிப்போடவேண்டும். வீட்டு மனைகளாக பிரிக்கப்பட்ட நிலத்தை பார்வையிடப்போகும் போது உதயக்குமார் அவர்களை ஒரு பேட்டி எடுக்க வேண்டும். அட்டைப்படத்தை கவனமாக தயாரிக்க வேண்டும்.
கைவசம் இருக்கிற பதிப்பகத்தில் வெளிநாட்டு எழுத்து பயிற்சியகத்தில் கர்சிவ் ரைட்டிங் பயின்ற ஆசிரியர்களின் புத்தகங்களை பதிப்பிக்கும் போதே எத்தனை பிளாட் வாங்கும் சக்தியிருக்கிறதென கணிக்க தெரியவேண்டும்.
அனுசரித்து கண்ணடித்து கெடுத்துவிடாமல் ஒப்பந்தம் போட்டுக்கொள்ள வேண்டும். இதில் வீட்டுமனை வாங்கும் தமிழ்நாட்டு எழுத்தாளர்களை போராட்டம் பிசு பிசுத்துவிடுமென நம்ப செய்ய வேண்டும்.
எங்காவது பிரச்சனையென்றால் பிரதிநிதிகளை ரயிலின் முன்புறமாக ஒரு புகைப்படமும் சம்பவ இடத்தில் கிராபிக்ஸ் துணையில்லாமல் கண்ணீர்மல்கும் சில படங்களும் எடுத்துக்கொள்ள கட்டாயபடுத்த வேண்டும். விற்பனை மையங்களின் முன்புற பேனருக்கு அது உதவக்கூடும்.
இரண்டு கவிதைகளை ஒரே கவிதையாக மொழிபெயர்க்கும் திறன்வாய்ந்த மொழிபெயர்ப்பாளர்களை அருகில் வைத்துக்கொள்வது தீவிர தன்மையை இன்னும் அதிகமாக்கும்.
அறுபத்தி ஆறாம் நம்பர் பேருந்தில் அடையாறுக்கு தினமும் பயணிக்கும் நபர்களை உடுதுணியில்லாமல் ஆடவிட வேண்டியது கட்டாயமான செயல்.
தீவிர இதழ் நடத்துவது மாபியா காரியமா அதுவொரு கூட்டு முயற்சி.
0 comments:
கருத்துரையிடுக